【Now財經台】截至早上11時止，1小時內《彭博》用戶搜尋量最多港股，依次為香港寬頻(01310)、ASMPT(00522)、華虹半導體(01347)、中芯國際(00981)及地平線機器人(09660)。
要約人中國移動香港昨日(17日)收市後公布，股份要約冇延長或修訂，最新中移動香港持有香港寬頻78.08%股份，不過公眾持股量唔符合規定嘅25%，公司已向聯交所申請暫時豁免，今日(18日)股價大升，一度升逾77%，高見9.1元，今次係咪又炒貨源歸邊？
香港股票分析師協會副主席曾永堅指，香港寬頻趁大市氣氛好借勢炒作，雖然炒貨源歸邊，但公眾持股量仍只有約20%，相比一啲近年炒作倍升股，今次情況唔算貨源歸邊，炒作動力好難持續。
股價方面，Jaseper話，香港寬頻喺7.7至7.8元出現1條好長嘅上影線，意味追入嘅資金有限，佢估計，股價升勢未必會持續。
