【now.com財經】今日中秋正日(紅日嗰日係追月)，所以喺呢度先祝各位讀者中秋快樂!
上個星期五(10月3日)揀咗隻恒指熊(63322)出嚟，退到咁高係因為借咗黃金比率0.768嘅27,633點做上方量度線，向下博嘅都只係小時圖順得到Slow STC(14.3)向下+保歷加通道平衡向上而做一趟Swing Trade啫。
(63322)出場條件只有一個，就係上個星期Patreon出文之後(應該10點後)，如果指數低走於10線的話，咁就掟貨出去。反過來又係無定到目標位，就同作戰室一樣，數夠格仔走人就算，因為向下數20線喺27,000點樓下，可能下半場會到嘅。
如果隻(63322)有過到夜嘅話，今朝指數低開137點，報27,003點，再去多一次27,000點打攻防戰兼重新壓返落去小時圖20線附近，開市後指數二話不說地向上高走，依家9點41分，指數高位暫時都只係上到27145點，同小時圖嘅10線27,147點相約。
啱呀，變相依家指數喺小時圖嘅10線同20線之間，不過作戰室都係選擇出恒指熊(54867)，收回價27,500點，同現價有接近500點距離，槓桿有約61.4倍，Day Trade一日都足夠，博嘅係向下穿小時圖條20線，唔駛要佢落返去26,600至26,699點嘅第一層牛證街貨咁遠嘅，畫住上個星期四(2日)小時圖有個少少嘅上升裂口先。
呢期金價愈升愈有，多得美國玩停擺啲資金走去避險，窩輪計最快諗到嘅都係SPDR金ETF(02840)，明年初到期嘅3,000蚊行使價Call，依家睇槓桿都有12倍幾。想知點玩一陣2點半到喺電台節目話你知。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
