【Now財經台】截至早上11時止，過去1小時內《彭博》用戶搜尋量最多港股，依次為龍湖集團(00960)、吉利汽車(00175)、紫金黃金國際(02259)、江西銅業(00358)及新世界發展(00017)。
內房股今日(8日)跌多升少，重磅內房股之中，龍湖跌得相對多，一度連10元關口都守唔住，低見9.9元，大跌逾8%，其實市場對黃金周賣樓成績都冇乜期望，點解股價仍會跌咁多？
天風國際證券經濟業務部董事李偉傑指，應該同一單消息有關，就係滙豐國際減持咗101萬股龍湖，呢個動作一定會對股價有影響，但唔足以令股價跌咁多，估計係市場反應過度。
Jason又話，其實一線城市嘅新樓銷情唔錯，只係市場實在對內房銷售冇期望，佢又認為，龍湖股價今日明顯係跌過龍。
