【Now財經台】一連8日嘅「十一黃金周」數據出爐，人均出遊消費幾乎回復疫情前水平，國內出遊8.88億人次，較去年嘅7日假期增16%，不過，日均人次僅微升2%。此外，國內出遊總花費8090億人仔，按年增長15%，但人均只係增1%，應該點解讀呢啲數據？
紅蟻資本投資總監李澤銘指，數據比市場預期差，因為對比今年其他長假期，例如農曆新年、勞動節等，按年都錄得中單位數升幅，反觀今年國慶黃金周只錄得低單位數增長。
Alan又指，唔同行業嘅消費力差異都幾大，商品消費幾乎冇增長，但茶飲及餐飲升幅顯著，反映只係部分消費板塊可以受惠於黃金周。
