【Now財經台】美國政府繼續停擺，消費數據都出唔到，據會計師行德勤(Deloitte)一份調查顯示，美國人喺第4季嘅節日，平均預期消費額僅1595美元，較去年減少約10%，至於百貨零售股Costco、Target等股價都跑輸大市，點睇美國依家嘅情況？
資深經濟師羅家聰指，今次調查只係反映部分美國人嘅使錢態度，而美國零售業疲弱都唔係近期嘅事，數據本身都唔算靚，一直維持低單位數增長，尤其係細額零售普遍都縮水。
KC又話，零售業利潤空間細，美股牛市周期行咗咁耐，但零售業表現一直冇起色，亦唔睇好前景，所以都唔需要對零售股有咩期望。
