【Now財經台】自美國總統特朗普(Donald Trump)上周五(10日)威脅加中國貨品100%關稅後，投資市場開始大波動，「戰局」發展仍然唔明朗，加上美國地區性銀行傳出涉及壞帳嘅消息，美股3大指數昨晚(16日)全線向下，其中，道指收市挫約300點，點睇美股後市？
華夏基金香港高級經理李星宇指，由於中美緊張關係已持續一段時間，投資者都唔會太擔心，美股近期波動嘅主因係當地經濟問題。佢續指，其實幾個月前已有分析指，美國企業第3、第4季盈利增長或會倒退，睇返最近出爐嘅銀行股業績，其中，摩根大通(J.P. Morgan)業績整體勝預期，不過，若撇除短期收入，實際盈利增長出現倒退。
Chris又話，投資者開始出現避險情緒，見到美股資金流向由主題性高息股和長期債券，轉投大型指數及中短期債券，而資金亦減少追入中小企業股份。
