【now.com財經】噚日揀咗隻恒指熊(67506)出嚟，計劃借日線圖上嘅50天線唔過，順便博埋10天線向下見阻力的話，咁(67506)就出動，反正隻熊槓桿夠，即使借五分鐘圖出Swing Trade都夠做。
今朝起身見啲金價再上過，作戰室戰友們間中有見港股發吽逗時轉場走去短炒金市，大家都keep住保正數嘅心態去做，如是者今朝一開個Discord就見到啲食金圖，真開心。
至於港股今日都再開升301點，終於都爬返上26,200點以上，望住26,200至26,299點嗰層熊證有相當於7xx張期指街貨，點都出隻好倉博吓佢食唔食先啦。
依家10點26分，指數慢行慢行終於上到26,300點樓上，作戰室好倉都出埋風箏策略，而小時圖再博指數再上嘅話，100/150線要過，咁啱呢個位又係日線圖嘅20線+之前玩咗好耐嘅上升軌嘅位置；好記得啲記住26,350點先。
過得到好倉再出博指數爬返上去之前行返嗰條線再上，咁變相今Round中美貿易戰要打嘅都打完；如果唔係，呢堆線做晒阻力推返指數向下落嘅話，日線圖反借10/50線做下方量度線。
如果諗住同作戰室一樣都係即日爬格仔嘅話，依家五分鐘&小時圖都見Slow STC(14.3)兩線上到超買位，再追好倉風險比較高，乃念大方向指數現時企住喺熊證街貨，恒指牛(58074)，收回價25,910點，同現價有逾440點距離，但要等一等五分鐘圖Slow STC(14.3)落返去超賣位先出動喎，安全為上。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
