【Now財經台】Netflix喺美股昨晚(21日)收市後派咗上季成績表，表現差過預期，拖累股價盤後重挫逾6%，雖然收入符預期，但純利、每股盈利都差過預期，要鞏固市佔率，繼續吸引訂閱就要以內容取勝。Netflix史上最多人睇嘅電影《KPop獵魔女團》，令集團開始思考點樣透過自家原創作品進一步變現，可唔可借助獨有IP提升收入？
南華金融集團副總裁莫灝楠認為，《KPop獵魔女團》爆紅後，主題曲《Golden》就好易喺小朋友之間hit起嚟，對Netflix嚟講冇理由有錢都唔賺，所以Netflix喺IP方面有一定發展空間。
Netflix廣告業務方面，佢認為，集團嘅低價廣告Plan吸咗唔少新客，但未必係將舊客降級，所以呢兩個因素對Netfllix都係正面。
