【Now財經台】李寧(02331)入駐美團(03690)旗下「美團閃購」，拓展即時零售渠道，李寧今日(23日)高開1%，之後愈升愈有，一度升逾7%，高見18.66元，見1個月高位。李寧嘅CALL選擇唔多，較熱門嘅CALL輪行使價都係18元至19元，非常貼價，槓桿4至6倍，明年1至2月到期，呢批CALL係咪可短炒突破到價就走？仲有冇其他選擇？
中信證券國際股權衍生品銷售經理李碧珊指，李寧加入美團閃購平台，消息帶挈股價升到9月中高位，並升穿50天線。李寧過去喺輪場嘅資金流唔算活躍，今日新消息令股價突破，有資金即市追入好倉。
Percy建議，投資者可以留意較貼價嘅CALL，價外幅度唔夠5%，明年2月底到期，唔算短身，但槓桿可以做到5倍左右。
