【輪證贏家】S金Call所看見的未來

【now.com財經】以伊兩國槍林彈雨，美國火上加油的向伊朗施襲；那邊廂泰柬邊境又落咗閘，幾時放狗就未知，但都已經有陣火藥味。

望望月曆時到6月尾，過多個星期鬆啲就係都市傳說嘅日本大地震定海嘯發生日期。而今朝有單新聞喺日本有個火山(唔記得叫咩名啦)爆發，噚日定前日北海道又地震。

天災+人禍頻繁出現，金價油價一早已經成為市場焦點，追金礦股/石油股其實有風險，個風險就係來自大市走勢，佢始終都只係一間上市公司，只不過行業上會受到金/油價走勢而有所影線；所以，唔好嫌老土，勇嘅你真追期油期金唔阻止，簡單嘅SPDR金ETF(02840)都已經夠。

日線圖上見(02840)單位價格今早逆市上行，雖然暫時有見高開低走，不過小時圖上Slow STC(14.3)剛好超賣觸底，同時價格有10線接住，唯一要擔心嘅事係整條保歷加通道目前仍然向下中，即使Slow STC(14.3)出觸底，但中軸線如果唔過嘅話，佢繼續沿依家整條向下Swing住落嘅機會都高，所以中軸線都真係要過。

S金Call(15850)，行使價2531元，同現價大約有4.33%價外距離，10月中到期唔算短，槓桿有約11.83倍，街貨同引伸都唔高。

出(15850)未必今日可以做得到Day Trade(佢做到最好)，所以可以借小時圖10線企好而小注出動，博到中線線前到時再睇情況，過到線再hold，唔過嘅就沽半留半都慳返。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。