【輪證贏家】恒指牛追熊街貨

【now.com財經】噚日睇隻SPDR金ETF(02840)，兼揀咗隻S金Call(15850)出嚟，喺上半場以平均價0.1725元買入後，喺噚日午後見單位價格受制於中軸線，還好仲有條100線喺度接一接。

但去到噚日1點25分左右，見(02840)價格向下落穿過100線，支持線都無埋，(15850)理應即走。

如常的用10分鐘作為走貨時間的話，期內(15850)高低位做過0.169元/0.167元，平均走貨價為0.168元，呢一趟平均輸2.61%，都仲頂得住。

「啲金今日無呼啦向下，唔駛避險咩? 打完啦?」真係唔知架，今朝可以同你講停火，然後今晚再玩突襲；只不過(15850)有條款喺手，所以通常都難以久留；假如仲有在手嘅話，噚日都有講嘅，20天線位就更加要守好。

今朝就係出咗個停火消息，不過近期伊以戰爭加個特朗普喺度，搞到啲消息都有少少亂，「我真係唔明升乜春」戰友講架~

Anyway，唔明還唔明，好倉照出照向上追殺熊證街貨，作戰室今日都先以好倉出動應市。依家10點8分，好倉都出咗兩輪之後開始有見指數行得定返少少，而五分鐘圖上亦有見整條保歷加通道開始呈上，Swing Trade向上有似準備出現。

作戰室都準備緊保歷加由拓闊變成整條向上走嘅動作，好倉亦都準備再開/繼續持有。

恒指牛(66765)，行使價23,550點，同現價有約450點距離，企遠啲安全啲，而槓桿都有約44.42倍，Day Trade夠做。

可能到你睇完文再睇返個走勢圖時，五分鐘圖嘅Slow STC(14.3)受整條保歷加通道上行而要行出觸頂向下走勢，係嘅話就用返平時做Swing Trade嘅方水去做一趟好倉；另外要小心嘅係日線圖上都有一個大約係241xx點嘅頂線，依家10點16分指數都升咗400幾點，要過線嘅話變相升幅要擴大至升500點先至得，所以留意線位啦！

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。