【財經TOP SEARCH】搞演唱會賭股可以落注

【Now財經台】截至早上11時止，1小時內《彭博》搜尋量最多港股，依次為銀河娛樂(00027)、金沙中國(01928)、永利澳門(01128)、紫金礦業(02899)及安踏體育(02020)。

澳門6月賭收逾210億澳門元，按年增長升19%，遠勝預期，賭收喺淡季下表現亮麗，係咪演唱會帶旺埋賭場人流？展望7月至8月將會有更多焦點演唱會舉行，包括陳奕迅、郭富城等，邊隻賭股可以睇高一線？

天風國際證券經紀業務部董事李偉傑指，暑假期間唔同酒店都會搞演唱會，遊客可以預定演唱會加酒店配套，就算唔「旺財」，都可以「旺丁」，有助帶動酒店業務，投資者不妨留意一啲將會舉辦演唱會嘅公司，股價有望繼續上。

Jason又話，雖然新濠國際(00200)股價短線落後同業，但股價已升穿2024年10月高位，而集團4月公布「2供1」之後，股價炒咗上去，但唔建議高追。