【Now財經台】截至早上11時止，過去1小時內《彭博》用戶搜尋量最多港股，依次為巨子生物(02367)、新世界發展(00017)、比亞迪股份(01211)、小米集團(01810)、碧桂園(02007)。
內地醫美及護膚品股巨子生物股價，喺5月下旬創新高，其中1個原因係「可復美」產品喺淘天、京東集團(09618)「618購物節」預售表現理想，最新有消息指，平安好醫生(01833)同高和醫藥就「可復美」產品達成戰略合作，但股份今日(23日)逆市跌4%，下試50天線，短線應該睇咩位？
大華繼顯執行董事梁偉源指，巨子生物本身冇乜負面消息，所以估計今日(23日)下跌唔關基本因素事，集團4月17日配股後，股價沿著10天及20天線一直上升，近期曾升穿87元，高配股價逾30%，股價今日向下可能係試50天線支持，如果公司冇負面消息，投資者唔使太擔心，因為集團產品銷售一直理想，今日下跌可能同技術性沽盤有關，導致成交大增，佢估計，巨子生物要守住50天線唔難。
