【Now財經台】截至早上11時止，過去1小時內《彭博》搜尋量最多港股，依次為快手(01024)，布魯可(00325)，紫金礦業(02899)，金蝶國際(00268)，美團(03690)。
港股通新貴布魯可股價今日(9日)早段一度炒高20%，再破頂，高見189.5元，股價連月同埋另一隻知識產權(IP)股泡泡瑪特(09992)孖住上，布魯可股價3月至今已經倍升，升勢跟足泡泡瑪特，但集團嘅IP優勢唔及泡泡瑪特，公司仲蝕緊錢，更重要係集團7月10日就上市滿半年，意味禁售股就快解禁，就算布魯可依家有北水撐，解禁因素係咪一大隱憂？
富昌證券聯席董事譚朗蔚認為，投資者一定要實解禁呢個大日子，由於布魯可仍未扭虧，要關注公司基本因素夠唔夠實淨，雖然泡泡瑪特及布魯可都係賣潮流產品，賣盲盒之餘，IP亦有優勢，但相比之下，泡泡瑪特業績及增長前景都比布魯可大，亦有龐大海外市場。
Stevan指，除咗留意北水通咗之後嘅資金情況，亦要密切關注解禁後有冇原始股東減持。
