【Now財經台】3隻新股今日(13日)撞期招股，其中，集資額最大嘅三花智控(02050)，係繼寧德時代(03750)、恒瑞醫藥(01276)，同埋依家仲未截飛嘅海天味業(03288)之後，最新嚟香港招股嘅A股公司，三花2005年喺深交所上市，所以經營狀況、估值都有「績」可尋，公司係全球最大制冷空調控制元件，同埋全球領先汽車熱管理系統零件製造商，最近又話有意研發仿生機器人，點睇呢隻新股？
紅蟻資本投資總監李澤銘指，公司本業唔算特別啱市場口味，因為依家投資者普遍偏好生物製藥或人工智能(AI)相關股，三花屬於較傳統行業，加上公司喺家電方面，尤其冷氣業務嘅市佔率已經好高，上升空間唔大，不過，由於家電及汽車行業穩定發展，見到三花A股走勢都好平穩，雖然集團有意研發機器人，但仍處於非常初步階段，所以未必吸引到市場關注。
