【Now財經台】內地官媒今日(20日)指，盲卡及盲盒引發炒風對未成年人構成損害，認為當局要細化監管規則，向違規商家處以高額罰款。消息一出，即震散盲盒概念股，其中，泡泡瑪特(09992)一度大跌6.5%，低見232.2元，呢場殺緊埋身嘅監管風暴殺傷力真係咁大？
王道資本及家族資產管理執行董事黃敏碩指，其實官媒呢個只係「溫馨提示」，反映內地持續關注盲盒活動風氣，擔心兒童青少年會沉迷買賣，相信情況未嚴重到好似以往監管手遊咁，事態發展仍有待觀察，佢又認為，內地當局唔想睇住泡泡瑪特及布魯可(00325)股價係咁跌落去。
Michael認為，盲盒概念股今日大跌有另一個原因，其中，泡泡瑪特股價已只升不跌一段時間，加上有大行開始認為估值過高，同埋喺低位買入嘅投資者係時候計數，泡泡瑪特股價喺呢啲因素夾擊下就大跌。
