【Now財經台】Trendforce日前公布全球10大晶片代工企業首季收入，睇返排頭5位嘅公司，按季計，只得中芯國際(00981)收入錄得輕微增長，餘下4強台積電(TSMC)、三星(Samsung)、UMC、Global Foundries都要倒退，而股價表現亦係中芯比較好，係咪值得部署？
易方資本投資總監王華指，以營業收入計，估計中芯營收會持續擴大，因為中芯不斷提升產能，所以佢對中芯未來銷售額感到樂觀。
佢補充，中芯冇乜外資參與，有參與嘅投資者傾向留意top-line(營業收入)，所以就算最後業績唔理想，亦唔會有太大問題。
