【now.com財經】小米集團(01810)董事長雷軍昨晚(2日)喺線上直播，回應咗外界質疑「定單有大量轉單」，佢話SU7及SU7 Ultra轉單YU7嘅數量，佔YU7定單唔夠15%。
對於傳出有同行專門欄截用家購買YU7，雷軍就話「呢個做法真係唔太好，唔建議同行咁做。」 ，佢又透露，YU7定單最多頭3個城市，依次為上海、杭州、北京，鎖單用戶平均年齡33歲，而女姓買家佔比約30%。
雷軍提及，依家排隊買YU7條隊真係幾長，希望大家耐心等待，佢更展示「同行唔係敵國」嘅氣度，話如果急於用車，買其他國產電動車都係唔錯嘅選擇，包括快將發布嘅小鵬汽車(09868)旗下G7，同埋理想汽車(02015)旗下i8。
小米股價今日(3日)跟隨大市向下，午後一度低見57.05元，挫逾5%。
