【Now財經台】截至早上11時止，過去1小時內《彭博》用戶搜尋量最多港股，依次為周大福創建(00659)、中國平安(02318)、友邦保險(01299)、騰訊控股(00700)、龍湖集團(00960)。
平保股價持續強勢，踏入7月，市場預期月底會召開嘅中央政治局會議會，市場再炒政策憧憬，不過，平保股價5月至今續受惠於政策支持，加上投資者追捧收息股，期內股價累升近20%，大幅跑贏大市，現水平仲值唔值博？
大華繼顯執行董事梁偉源指，平保明顯跑贏其他內險股，原因係公司過往持有比較多內房項目，加上昨日(10日)內地有消息指下周會有關於內房政策嘅會議，相信平保間接受惠於呢個消息。
Steven指，平保股價可唔可以再上，就要留意下周開會嘅消息係咪屬實，如果真有其事，相信會對平保股價有進一步幫助。
