【now.com財經】內地外賣大戰不斷升級之際，高盛發報告講到外賣補貼對茶飲行業嘅影響，又認為古茗(01364)及蜜雪冰城母公司蜜雪集團(02097)係兩大贏家。
該行因應提供外賣補貼嘅時間較預期長，上調古茗(01364)今年盈利預測9%至22億人仔，主要基於上調單店商品交易總額(GMV)增長預測至13%，而12個目標價亦調高至30元，即較現價有逾20%上升空間。
對於市場擔心將來冇咗補貼後，茶飲市場會唔會急降溫，高盛就認為，只會帶嚟短期波動，更指到時可能係一個市場份額重新分配嘅契機。
值得留意係，古茗嘅限售股下星期就會「解禁」，以現價約24.32元計，較上市價9.94元，累升逾1.4倍，雖然升幅唔算好大，但都有可能成為其中一個沽貨誘因。
