【Now財經台】截至早上11時止，過去1小時內《彭博》用戶搜尋量最多港股，依次為快手(01024)、中升控股(00881)、金蝶國際(00268)、比亞迪電子(00285)、小米集團(01810)。
上星期五(8日)快手公布快手App圑購新增美團(03690)外賣功能後，股價連日向下，市場係咪睇得好負面？花旗、瑞銀仍睇好「可靈AI」會利好快手估值，帶動快手股價自4月初低位，累計反彈咗逾60%，但今日(12日)一跌，已跌穿20天線，到底係投資者趁業績前先食糊，還是反映對集團加入打外賣戰嘅憂慮？
富途證券首席分析師譚智樂指，快手股價近日下跌反映市場對快手加入外賣市場嘅擔心，認為呢個舉動有風險，憂慮公司未來要不停燒錢去發展呢項新業務。佢又指，市場未必會太擔心快手業績，反而更關注公司核心業務發展。
股價方面，譚智樂提醒，一旦快手股價跌穿72元就要小心。
