【Now財經台】新消費股毛戈平(01318)股價呢幾日跟住條10天線行，但已逆市連跌第9個交易日，今早(25日)反覆向下。集團過兩日就出中期業績，之前已經發咗盈喜，多唔多投資者留意毛戈平好倉博業績？如果想部署CALL輪應該點揀？
花旗上市衍生產品部副總裁麥穎儀指，近期市場都鍾意炒業績股，毛戈平就快出業績，股價近日喺高位回套，吸引資金部署業績好倉，雖然股價近日以至今朝都比較吽哣少少，但市面上嘅產品槓桿唔算特别高，普遍約3倍，不過，都係合適嘅選擇，因為正股引伸波幅較高，如果業績真係唔錯，估計正股升幅會唔細，雖然槓桿只得3倍，但相信會有唔錯嘅收益。Jenny又話，見到市面上一般引伸波幅到約100%，所以毛戈平引伸波幅都屬於正常水平。
