【Now財經台】截至早上11時止，1小時內《彭博》搜尋量最多港股，依次為萬科企業(02202)、東風集團股份(00489)、貝殼(02423)、紫金礦業(02899)及新世界發展(00017)。
內房股今日(25日)強勢，萬科一度勁升近16%，高見5.99元，貝殼亦炒高近12%，高見53.9元，但其實行業方面冇乜特別消息，呢啲股份點解突然落鑊？
富昌證券聯席董事譚朗蔚指，內房股今日炒上主要受美國減息預期急升帶動，因為美元跌，人仔就升，對內房嘅債務有少少幫助。
佢又話，上證綜合指數升上10年高位，意味A股投資情緒高漲，吸引唔少資金追落後，令部分股分炒上。不過，譚朗蔚提醒，內房、物管行業始終要睇合同銷售呢啲基本因素。
