【Now財經台】截至早上11時止，1小時內《彭博》搜尋量最多港股，依次為協鑫科技(03800)、中國宏橋(01378)、安踏體育(02020)、吉利汽車(00175)及紫金礦業(02899)。
協鑫科技宣布配股，折讓8%配股，淨籌約54億元，其中18億元會用嚟還債，以解決短期資金壓力，股價今日(16日)不跌反升，一度升5%，高見1.33元，點睇未來行業發展前景？同埋應該點部署？
富昌證券聯席董事譚朗蔚指，對於太陽能、光伏行業，近幾個月市場都係睇實「反內捲」嘅效果，解決依家供過於求嘅問題，希望透過減產，提高返價格，暫時都見有少少效果。
股價方面，Stevan話，協鑫科技喺1.3元有支持，建議有貨可以繼續揸，如果唔跌穿呢個支持位可以繼續持有，但要小心公司中期業績差，基本因素一般，依家只係行業層面見到曙光。
