【Now財經台】截至早上11時止，1小時內《彭博》搜尋量最多港股，依次為安踏體育(02020)、快手(01024)、國泰航空(00293)、新世界發展(00017)及創科實業(00669)。
安踏旗下品牌「始祖鳥」近日爆公關災難，安踏股價今日(22日)一度急挫7%，低見89.75元，而Amer Sport剛上調今季業績指引，今次「始祖鳥」事件對安踏影響有幾大？
富昌證券聯席董事譚朗蔚指，要留意返今次呢件事會唔會惹嚟有關方面調查，導致品牌要受罰，雖然相關爭議未完，甚至有機會爆發全國抵制浪潮，但佢相信影響有限，只係一個短暫「陣痛」。
Stevan又話，依家仍持有安踏嘅投資者，當然要繼續留意事態發展，又指安踏未來仍繼續係行業優選，如果股價可守住92元關口，唔需要咁快止蝕。
