【Now財經台】中金公司期望，中國與海灣國家達成更多監管合作協議，拓闊發展空間，並指香港可以為中東企業發行人民幣債券及上市融資作出貢獻。
中金公司董事總經理陳永興說:「我哋最先接觸海灣國家時，就係我哋將中國股票賣去或向當地推銷，例如KIA(科威特投資局)投過農業銀行(01288)上市。」
中金公司逾10年前已開始連繫香港與海灣地區的資本市場。
陳永興說:「當然，除咗財務回報之外，有機會將呢間公司帶到佢哋國家。」
香港與阿聯酋的聯繫明顯加快及更加頻密，港交所(00388)上月跟阿布扎比證交所簽署合作備忘錄，加強兩地跨市場互聯。此外，證監會亦跟阿聯酋證券商品委員會達成首個基金互認安排。
近年，特首等官員多次出訪海灣地區，中金亦有隨團參與，陳永興表示，作為參與者，希望監管機構之間有最緊密聯繫，包括中國監管機構。
陳永興說:「我聽講短時間內會簽得到，如果簽得到的話，喺相互之間嘅全牌照參與，唔單止係某一個例如投行業務，可能包括資管業務，可能包括保險業務，都可以全方位合作的話，應該係對兩邊發展空間更大。」
中金近期協助中亞的哈薩克斯坦開發銀行在港發行人民幣點心債，公司看好在中東推動人民幣國際化的潛力更大。
陳永興說:「他們嘅信用評級比中亞更加好，所以如果佢哋會發行人民幣產品、人民幣債券，我相信市場係有好足夠吸納量，甚至興趣喺裡面，喺今日呢個環境，無論貿易、政治考慮或利率成本，都係好配合，所以我覺得係一個機會，香港肯定係一個最好嘅得益者，或者係一個最好嘅貢獻者。」
他又指，香港是全球最大離岸人民幣中心，法律框架、市場化的制度，以及資金進出不受限制，均吸引外資來港，並預期海灣地區公司來港上市，或會從具知名度龍頭企業做起，將來再帶動其他不同行業。
陳永興說:「你唔好以為做一個上市，係今日拍板，聽日就上到市，即使一個好成熟嘅市場，好成熟嘅做法，都需要超過1年時間，更何況一個新興市場。」
