【now.com財經】繼今年8月「買起」佳寶食品超市，加快拓展本港零售市場步伐，去到9月又同華潤隆地拍住上，第1間京東MALL計劃明年喺灣仔開業後，京東集團(09618)再喺香港有動作。
據本地傳媒引述消息指，京東計劃喺香港開拓保險業務，已經申請緊保險牌照，仲喺多個搵工平台招兵買馬。報道又話，集團招聘嘅職位要以下要求:
1.須持有相關保險牌照
2.可以支持銷售團隊或保險營銷
3.要有本港保險業實戰經驗、熟悉保險產品
值得留意係，京東招聘時講明工作地點喺香港。
此外，京東股價今日(21日)造好，一度升穿130元關口。
