【Now財經台】截至早上11時止，過去1小時內《彭博》搜尋量最多港股，依次為中國人壽(02628)，聚水潭(06687)，泡泡瑪特(09992)，新世界發展(00017)及中國平安(02318)。
自10月開始，外資大行輪流出報告呼籲重新關注內銀及內險股，睇返內險股今個月表現，其中，國壽明顯跑出，暫時累升5%，集團日前發咗盈喜，股價應聲向上，業績前仲有幾多上望空間？
大華繼顯執行董事梁偉源指，恒生指數7月喺阿里巴巴(09988)帶動下，出現大突破，期間內險股相對落後，直至今個月初，當大市回落，資金返再重投內險股，由於過去1季A股表現強勢，相信內險投資收益表現理想，吸引資金追入內險股，而過去一至兩個星期，國壽股價係內險板塊中升得最靚嘅股份。
Steven續指，由於國壽股價已升咗唔少，所以即使稍後出爐嘅季績理想，市場反而會趁好消息出貨，因此，佢認為國壽股價短期上升空間有限。
