【Now財經台】穩定幣概念股中國光大控股(00165)，股價今早(3日)高開2%後，買盤好快湧入，升幅一度擴大至逾26%，高見5.95元，衝上1個月高位，成交金額激增至逾4億元，暫時成交股數較過去100日同時段平均激增42倍。
隨著數字貨幣日益普及，加上美國總統特朗普(Donald Trump)立法支持穩定幣，市場對穩定幣嘅需求不斷增加，全球第2大穩定幣USDC發行商Circle亦打鐵趁機，今日會喺美國進行首次公開招股(IPO)，反映資金今日炒作光控係Circle策略股東嘅消息。
不過，光控投資Circle嘅實際金額，以及持股量一直冇對外披露，依家股份14天相對強弱指數(RSI)已升至77嘅超買水平，小心炒作一日後就要回套。
