【Now財經台】截至早上11時止，1小時內《彭博》搜尋量最多港股，榮昌生物(09995)、眾安在綫(06060)、中國光大控股(00165)、領展房產基金(00823)及新濠國際發展(00200)。
榮昌生物將治療重肌無力症嘅焦點藥泰它西普，最新授予獨家權利畀Vor Bio，之後會收到4500萬美元首付，再加8000萬美元嘅認股權，以市值計，可即時套現1593萬美元，市場借呢個好消息出貨係咪好正常？
椽盛資本投資總監曾永堅指，榮昌股價反映咗好消息及公司未來價值，股價於去年10月低位10.2元炒起至近日嘅70元水平，反映明顯有資金流入，即使出現回調，仍有5倍升幅。
佢續指，加上醫藥板塊估值重估，所以市場依家趁好消息出貨係好正常。
