【Now財經台】中東局勢持續緊張，導致油價又再大升，帶挈油股近期走強，國際油價喺今朝(16日)亞洲交易時段一度飆6%，不過，中國海洋石油(00883)股價今早高開唔夠1%後轉跌，一度跌1%，低見18.5元。油價大上大落，資金係咪應該繼續追好倉？
滙豐亞太區財富管理香港上市產品銷售經理盧貴良指，地緣政局風險升溫，帶動國際油價喺近3個交易日累升10%，資金上周五(13日)已經開始部署石油股，中海油CALL上周五都有加倉300萬元，資金流入量係近1年最多。
Daniel續指，中海油股價今朝先升後跌，如果想博反彈，可以留意較價外嘅CALL，因為爆發力會大啲，例如行使價22元，今年10月到期，實際槓桿可達10倍。
