【Now財經台】中東局勢持續升溫，市傳美軍加強軍事部署，以應對中東局勢，不過，油價金價變動唔大，其中，紐約期油繼續喺74美元水平，但中國海洋石油(00883)股價出現3連陰後，今日進一步跌穿10天及250天線，中海油活躍嘅CALL，行使價18至22元都有，應該點揀好？
花旗上市衍生產品部副總裁麥穎儀指，近排投資者炒油股主要因為外圍地緣政局緊張，見到中資油股呢幾日都逆市向下，如果投資者想喺低位撈，又想兼顧槓桿，建議揀近價少少嘅產品，槓桿可以做高啲，例如今年約10月到期嘅CALL，槓桿做到11倍以上，較明年2月到期嘅CALL，槓桿只有6至7倍著數唔少。
