【Now財經台】金山軟件(03888)今早(16日)高開0.8%後，升幅一度擴大至逾14%，高見40.4元，中午收市升逾10%，報39元，半日成交金額逾11億元，成交股數較過去100日同時段增4倍。
早前，公司宣布新遊戲《解限機》會喺7月2日正式開啟公測，其實摩根士丹利早已睇好呢個game，估計將會成股價關鍵推動力，若遊戲喺STEAM全球暢銷榜排第10至20位，有信心今年可以為集團帶嚟5億人仔收入。
集團首季業績差過預期，加上市場對集團遊戲及寫字樓短線前景都唔係咁睇好，拖累股價月初曾跌至31.55元低位，不過，隨著新遊戲快將登場，有望成為集團繼《劍俠情緣》系列後嘅新增長動力。
股價方面，金山軟件今日一下子突破50天及100天線，RSI唔算超買，若《解限機》反應比預期好，唔排除有更大上升動力。
