【Now財經台】3大中資電訊股中國移動(00941)、中國電信(00728)、中國聯通(00762)先後派咗成績表，3家公司上半年盈利增長僅約5%，收入方面，中移動更按年跌0.5%，集團表現跑輸同業有咩啟示？如果想買嚟收息，中移動係咪最佳選擇？
王道資本及家族資產管理執行董事黃敏碩指，中移動業務基數較大，雖然收入增長輕微下跌，但經調整除利息、稅項、折舊及攤銷前盈利(EBIDA)仍有2%增長，表現其實唔差。
佢又話，如果論派息，中移動有絕對優勢，集團現金流相對強勁，加上息率高及穩定，如果作為中線投資，投資者想穩中求進，中移動不失係一個好選擇。
