【Now財經台】停牌約1周嘅東風集團股份(00489)，今日(25日)復牌曾飆逾60%，集團會進行大重組，簡單嚟講H股會私有化，再安排新能源車子公司嵐圖以介紹形式嚟香港上市，H股股東可以收取每股6.68元現金，再加嵐圖股份，理論總價值10.85元，較停牌前嘅5.97元，有逾80%溢價，點睇呢單Deal？
《香港股票財技密碼》作者梁杰文指，東風股價今日大升反映市場都幾受落，未來成家公司都會轉型，唔再做傳統汽車，上市公司就全力造新能源車，佢又估計，東風小股東及基金股東都會贊成私有化，因為私有價應該已封咗蝕本門，呢個價係參考東風股價過去10年嘅表現，如果重組成功完成，小股東每股攞返6.68元，就算係摸頂買入都唔會輸錢，若喺低位買更加會有可觀回報。
至於有貨小股東應該繼續揸住，等派嵐圖股份，還是依家都覺得回報合理就沽貨，Mike認為...
