【Now財經台】恒生高股息率指數自高位回落近4.7%，焦點高息股近日都係高位跌唔少，建設銀行(00939)、工商銀行(01398)跌逾10%，領展房產基金(00823)、香港電訊(06823)都顯著回調，似乎唔少資金已轉戰科技股，依家係咪吸納高息股嘅好時機？
獨立市場策略師何啟聰指，資金的確有轉移至科技股嘅趨勢，而唔少北水都沽緊電訊股，一向被認為高息嘅內銀股，股息率都已幾乎見頂，加上市場唔睇好內銀盈利增長，令散戶投資者沽出高息股，轉投其他回報較高項目。
Ivan又話，依家買高息股不宜追求短期利益，始終盈利上升空間唔大，以本港銀行同業拆息(HIBOR)約3.6嘅現水平計，僅約4厘息嘅高息股對投資者吸引力較低，但如果可以壓低HIBOR，就會利好高息股，吸引資金「回歸」，但呢個非常取決於美息走向，息率做到5至6厘嘅高息股會比較吸引。
