【Now財經台】阿里巴巴(09988)發行本金總額約120億元零息可換股債券，換股價6.23元，可以揀阿里健康(00241)股份，大行指，有助阿里降低融資成本，阿里股價暫時連跌第6個交易日，阿里好倉最少連續6個交易日有資金流入，5日合計，有逾7100萬元坐貨，資金傾向部署好倉定淡倉？產品應該點揀好？
法興銀行證券上市產品銷售部董事周翰宏指，資金傾向部署好倉博反彈，CALL輪引伸波幅已升咗，所以揀牛熊證博反彈較合適，條款上建議揀收回價100元以下比較穩陣，以95元收回價為例，槓桿做到9倍，相對值博。
