【Now財經台】金融管理局喺短短1個星期內，4度出手買入港元，累計接咗591億港元沽盤，由於資金流出港元，恒生指數今日(4日)一度瀉逾300點，之後喺科技股帶動下，一度重上24000關，由於港股市底唔算太差，資金都繼續買貨，近期較偏好高息股，息率6厘以上兼穩定派息嘅股份，係咪可以睇高一線？
冠域商業及經濟研究中心主任關焯照指，唔排除未來幾個月喺美元轉弱下，會短暫推高恒指，不過，早前有大量資金流走令市場氣氛轉差，雖然阿里巴巴(09988)及阿里健康(00241)今日受消息影響異動，但由於A股表現唔錯，可以為港股帶來一啲支持。
關博士又話，資金偏好香港電訊(06823)、恒生高息股(03466)等高息股，尤其喺美國減息預期下令息差擴闊，資金有好大誘因流入呢啲股份。
