【Now財經台】截至早上11時止，過去1小時內《彭博》用戶搜尋量最多港股，依次為中慧生物(02627)、世茂集團(00812)、東風集團股份(00489)、小米集團(01810)及華虹半導體(01347)。
中慧生物今日(11日)首掛，承接暗盤上星期五(8日)強勢，今朝開市報33元，較招股價12.9元，高逾1.5倍，其後一度高見34.8元，高近1.7倍。集團公開招股吸引逾19萬人入飛抽，超額認購逾4000倍，一手中籤率僅1%，超越滬上阿姨(02589)成為今年18A超購王。值得留意係，中慧生物只係下限定價，未來仲有幾大上升空間？
富昌證券聯席董事譚朗蔚指，生物科技及創新藥相關股暫時仍有熱度，估計中慧生物股價會繼續向上，佢提醒，新股首掛當日第1口價比較重要，今朝開市報33元，雖然之後喺高位有少少回套，但基本上可以守得穩呢個價，佢建議有貨或今早買入嘅投資者可以繼續持有，而33元係未來重要嘅防守位置。
