【Now財經台】中資科網股近日偏弱，其中，騰訊控股(00700)昨日(3日)一度失「啡底股」，阿里巴巴(09988)亦一度跌穿前低位。阿里宣布，私募發行本金額逾120億元零息可換股債券(CB)，債券可以換阿里健康(00241)股份，換股價6.23元，較阿里健康昨日收市價有38%溢價，點睇阿里今次呢個動作？
博威環球證券金融首席分析師聶振邦指，阿里資金需求大，加上近年阿里收入增長焦點放喺雲業務、人工智能(AI)等，減少投放資源喺健康產品業務係合理，但相信短期唔會對阿里健康構成好大沽壓，始終係用溢價換股，而呢單Deal可視為債務融資安排，所以唔會對阿里健康股價造成大太衝擊。
